Marché pour la réparation des orgues de l'église Saint-Jean-en-Grève, par Valeran de Heman.
http://data.archives-nationales.culture.gouv.fr/recordResource/041153-c1p6shso8f2j-1kwahhrnu9f93 an entity of type: RecordResource
Marché pour la réparation des orgues de l'église Saint-Jean-en-Grève, par Valeran de Heman.
xsd:date
1635-12-23
23 décembre 1635
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Fut present Valleran de Hemen, facteur d'orgues, demeurant près le Puis d'amour, parroisse Sainct-Eustache, lequel a recongneu et confessé et par ces presentes confesse avoir promis et promect à Maistre Jean-Jacques Barrillon, conseiller du roy en ses conseilz et president en la premiere chambre des enquêtes de sa court de parlement, Jean Luillier, escuyer, sieur de Balin et de Bierne, conseiller du roy, auditeur en sa chambre des comptes, Maistre Lazare Dassier, procureur au Chastelet de Paris, et honnorable homme Estienne Geoffroy, maistre appothicaire espicier, bourgeois de Paris, ou nom et comme marguilliers de l'euvre et fabrique de l'église Sainct-Jean-en-Greve, à ce presens et acceptans pour ladicte euvre, de faire et parfaire bien et deuement au dire d'ouvriers et gens à ce congnoissans ce qu'il convient faire à l'orgue de ladicte eglise Sainct-Jean sur le repassement, restablissement et augmentation d'icelle selon et ainsy qu'il ensuict.
Premierement, d'estancher le vent qui se pert aux cinq soufletz et en quelques endroictz du sommier qui porte les thuyaux du grand jeu, et generallement où il se pert du vent.
Item, de desmonter tous les thuyaux gros et petitz tant du grand jeu que du petit jeu, les nettoyer dedans et dehors, et iceulx desencuirasser de la poussiere affin que lesdictz orgues parlent plus nettement et de redresser les bosses qui sont aux thuyaulx des deux monstres tant dedans que dehors, lesquelles monstres seront aussy nettoyées et repolies.
Item, de recoller tous les thuyaux de bois qui sont decollez et principallement par la bouche, lesquelz seront clouez ou chevillez.
Item, de remettre tous lesdictz thuyaulx en leur place tant du grand jeu que du petit jeu et iceulx bien accorder affin que l'on puisse jouer d'accord les deux jeux ensemble et sepparement quant l'on voudra.
Augmentation.
Item, de faire trois pedalles à deux thyuaux sur chasque marche, scavoir trois de bon bois de chesne fort secq et trois d'estain fin en enche à l'unisson de ceulx de bois dont le premier se sera B mi, le deuxiesme se sera B fa et le troisiesme sera A ré.
Item, de faire que le meme cornet face deux effectz, scavoir qu'il aict son clavier à part et faire en sorte qu'il sera au clavier du grand jeu.
Item, faire ung cornet de vingt-sept marches commençant en C sol fa ut au milieu du clavier et finissant en D la ré sol en hault, de cinq thuyaux sur chacune marche, et un clavier à part qui sera aussy de vingt-sept marches pour faire sonner ledict cornet pour estre plus facille et sans le grand sommier, et au cas qu'il ne se puisse faire que le cornet qui est à present ne puisse servir à deux claviers.
Item, de faire un jeu de tierce de plomb de grosse taille, lequel jeu fera tierce contre la doublette.
Item, de faire un jeu de voix humaine sonnant en quatre pieds d'estain fin, les piedz de plomb, lequel jeu sera placé dedans le positif - à la place du jeu de nazart.
Item, de faire un tremblant à vent perdu et rendre le clavier du grand jeu et du petit jeu plus foibles qu'ilz ne sont estans trop fortz à toucher.
Item, l'orgue sera rendue bien sonnante et bien accordante au jugement des esperts.
Plus, adjoustera au soubzpape des soufletz de cuir contre cuir, affin d'empescher le grand bruit et commencera ledict de Hemen à travailler ausdictz ouvrages cy-dessus dedans le lendemain du jour et feste des Roys prochainement venant sans aucune discontinuation, et le tout rendre faict et parfaict comme dict est, dedans le jour Sainct-Jean-Baptiste ensuivans ou plus tost sy faire se peult; ensemble faire toutes choses necessaires dependans de ce que dessus et ce à ses frais et despens et sans par luy pretendre daventage que le pris cy-après declaré et y travailler en personne jusques à la fin. Pour faire lesquelz ouvrages ledict de Hemen sera tenu fournir, d'estain, plomb, bois, fer et toutes autres estoffes et matieres necessaires qu'il sera tenu faire façonner et mettre en place par les ouvriers qui les auront faictz et fournis et par luy conjoinctement avec eulx, le tout bon, loyal et marchand.
Ce marché faict moyennant la somme de sept cens livres tournoiz que lesdictz sieurs marguilliers oudict nom ont promis, seront tenuz, promettent et gagent bailler et payer audict de Hemen ou au porteur etc, lorsqu'il aura bien et deuement faict et parfaict au dire d'espers, comme dict est, tous lesdictz ouvrages. Promectant etc, obligeant chacun en droict soy etc, lesdictz marguilliers oudict nom, renonceant etc.
Faict et passé à ladicte oeuvre, l'an mil six cens trente-cinq, le dimanche vingt-troisiesme jour de decembre avant midy, et ont signé :
J.
J. BARRILLON De HEMAN LUILLIER DASSIER BONORY GEOFFROY
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 814XVII (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché pour la réparation des orgues de l'église Saint-Jean-en-Grève, par Valeran de Heman.
blank nodes
Heman, Valéran de